係BK一個媽媽SEND比我睇一些幼稚園面試心得, 一齊分享:

平日教小朋友熟悉以下各點:
名字,年齡,男仔/女仔
辨認顏色(紅,黄,藍,綠,橙) (要識講到)
辨認形狀(正方形 圓形 三角形 長方形) (要識講到)
辨認數字(1, 2, 3,4,5) (要識講到)
辨認英文字母大寫(A,B,C,D,E) (要識講到)
識唱1首歌最好配合愉快感覺而不是背唱
男仔會俾架車你玩問是什麼車(消房車/救護車/小巴/的士/巴士/校車 )
女仔俾公仔,幫公仔抹面,刷牙,梳頭, 飲水

會問五官同用途
水果, 玩下切野煮飯仔, 砌lego, 玩配對

問書裹是什麽,在做什麼, 指出某件事或物件,畫面唔係單一,而多數係一d場地同情景( 呢方面好考功力, 要多d睇呢d書,多d去表達)

要識跟指令,小部分會要求數到1,2,3 的數量

除了以上,要教小朋友禮貌, 千祈唔好搶玩具

另外小朋友去到個環境,見住個陌生人,一般都怕丑,識都唔出聲,先要俾小朋友對面試嘅過程有足夠既心理準備,令佢覺得去配合個考官係件平常事,好似返nursery甘,頭2個星期都喊,慢慢習慣咗就冇事,我唸係呢方面淨係同佢講佢好難去feel到,係先要俾d類似面試經歷佢,裹面諗下加埋d得意嘅野去tum佢,教佢,俾d時間,慢慢佢自然就會識好好去配合的

每間幼稚園有偏重既地方,要順住去迎合學校,填寫問題紙亦一樣,內容要有point,要show到你識方法同有時間教小朋友,切忌行貨,公式去copy學校理念.小朋友表現好之餘,仲會揀我地家長架

仲有,有經驗既老師揀小朋友係好識睇細節,佢地憑一d反應快慢,眼神,表達用既說話,跟指令嘅情況可以判段到小朋友發展既快慢,受唔受教
 

寫到呢到,都分享咗好多我知道嘅俾你,希望對你有幫助啦

另外,我仔跟既老師叫Miss Chan, 電話 93425690 如果你打俾佢可以問下保證班,佢以前係幼稚園老師,仔仔上年係5月開始上課, 3個小朋友一班,佢上年星期六上午個班好full, 要早d留位, 我覺得老師係好識我仔嘅心理,幫到仔仔去吸收常識,加埋令仔仔鐘意面試嘅過程,當去到面試,仔仔唔單止肯開口,仲好投入咁用埋表情同動作去表達佢自己,我哋亦好surprise,我答學校問題老師之前亦俾咗好多意見教我,最終老師保證入到嘅5間有4間都收左我仔.      

希望d資料對你有用


我打去問過呢個miss chan, 佢話呢個保證班 $150/堂 x 48堂 = $7200.
雖然我都好想臻臻入到心儀學校, 但絕對唔會用$7200 train 佢 interview!